By- K. GUITE
Superintending Engineer
Project Circle-II
(I composed the following write-up during my early days in the Department. Even though it was supposed to be a daydream, I might confess now that I actually believed in my heart of heart then that my generation will leave ‘Power Packed Mizoram’ to the Gen-X. 2016 AD is approaching; I can’t help a few introspections).
I know it will happen one day. And it happens today. The world fossil fuel deposit is almost depleted. Half the cities of New York, London and Tokyo are pitch black due to load shedding like Lunglei and Aizawl in 1980s which my generation still dimly remembered.
Today, Power flows from Mizoram-no, not from the barrel of the gun but from the giant Hydro Power houses of Tlawng and Tuirial from the North; Tuivai from the North- East and Kolodyne from the Southern side.And there is light.
All high voltage transmission lines lead to Mizoram. The Power Ministers of Ram, Rahim and Maung Maung of the world are salivating for a share in a piece of the Power Packed.
Whenever Load dispatches Center in Mizoram sneezes - Ganges, Irrawady and Brahmaputra Valleys collapse with a stroke. Share prices crashed like A-320 Airbus. Thousands of Computers were gone blank and Robots were standing dead like Lot’s wife in the sprawling workshops.
Today, I have at last completed my Pension papers. With a lot of time in my hand for the first time, I was drifting to the Power Control Center. A security staff smartly opens the door with a familiar glance. I feel sad to think that I will see him no more from tomorrow. Wide-eyed with wonder and bewilderment, trainees from different parts of the globe wander aimlessly in the corridors of the center.
The walls of the Power Control Center are full of switches, visual displays, dials, diagrams of transmission line circuits and important Sub-stations of Eastern India and neighboring countries with consoles of Computers feeding the mass of information on the present status of loads at various load centers and real time reports of Hydro Power Stations in different parts of Mizoram.
My mind races back to a not so long ago when Mizoram was fed-no, not well-fed of course, by toy like Projects (in today’s standard) like Khawiva, Tuisumpui and Tuirivang Projects. I am proud that my contemporaries dared to dream the shape of things to come. People of that time and age thought that we were a bunch of Don Quixotes tilting to Hydro Power.
Today, cheap and abundant Power facilitates conveniences and comforts believed to be unattainable in Mizoram a few decades back. Magnetic Levitation Super Train services smoothly and noiselessly between Vairengte in the North and Parva in the South. You can manufacture Tuibur if you have the inclination to push the button and juggle your choice of strength, alkalinity and concentration by adjusting the dial (remote control optional). Swimming Pool with control temperature is as popular as VCR some decades back.
We came this far and handed over the torch – I mean the Electrical Torch to the next generation for generation of a lot more units of electrical energy.
Thursday, March 27, 2008
Monday, March 17, 2008
UPA BUANGPU LEH KEI-II: Tuikuk Pathian Siam Zawhloh
Upa Buangpu in ‘Tuikuk Pathian Siam Zawhloh‘ chih na thei ngei hiam chih ahawn dawt leh, kum sawmnih ching dek mahmah ching nailo deuh a, Tuikuk khua a election duty a ka hawhna hawn phawk khe sak hi.
Tuikukte gamnuai ah teng uh a. Gamnuai a singkhuah mei achih ding tam mahmah napi in, singkhuah mei in chihlo uh a, mau keu khat khawng chauh mei a chihin ann huan uhi. January kha - Phalbi khawvawt lai ahihziakin khua vawt mahmah a,meilum awi ut huai mahmah hi. Ahihziakin, meilum awi ding awmlo hi. Ka zintunnaten tapa ngeekchik nei ua, khawvawt nuai ah, avuaktangin pawm zaw mah uhi. Anau uh khawvawt thuak zawngsang baih mahmah dingin um ing. A khawsak dan uh niam mahmah ahihchiangin mihing leh ganhing kikal a awm bang deuh hi uhi.
Ka zintunna pa khawsung a Village council secretary hi a. A tapa ngeekchik leh amau nupa kia inn khatah teng uhi. A lupna uh kidawh sang thei mahmah a, lup ding chiang in kah toh ngai hi. A nupa lupna uh tawh kizawmin lupna khat awm a, huai ah hawn ngiak sak ua. Ka giah masak zanin innteekpa zankhua in hawngpailo in mang mawk hi. “ Mi khual hawmthawh na hih ziak ahi” chiin hawn hilh chian uhi. Ahihziakin, zan dangin bel innteekpa mahmah ngaihnat huai ahihchiangin a pawt mang ka phal nawn kei hi.
Nitaklam khat, ka tunna Nu’n ann huan ngeilo a, zan dak 6/7 bang hita a, gilkial bang leng hun simta ahih chiangin, kawisan hiam a ann ki huan ahih ka gingta a. Kawngkhak a ann huan minsa hawndawmlut hun ding uh kana tang simsim hi. Huchihlai in a inn sakpa un “ Na tunna ten meh ding aneihloh ziak ua ann huanlo uh ahi” chih hawn hilh siausiau hi. Mawl mahmah leh khaw neuchik hinapi in hiai khua ah Dal leh Ngaho zuak bang nana awm ua, meh ding ka lei a, vahtakin ann ka ne uhi.
Solkalin Polling Party te ahun a Polling Station atun zawhloh khak ding uh lau mahmah ahih ching un, ka duty na mun ding chiat uah hawnsawl khe baih ua, lampi a Gari kisia hiam ahihkeileh, lamlian kisia hiam a buaina tuaklote, election ma ni thum bangin duty na mun ding khua kitung hi.
Tuikukte thil tenga aniam ban uah, mimal sianthona leh innsung kep siangthona ah niam khawl diak uhi. Huchih naklaiin a ‘thu/um’ chikhat ‘Dangpuithu’ kichi hahneek mahmah uhi. Ni khat ka Polling Officer nihte’n hawng mu ua, “ Hiai khua itun nung ann ka nezo mahmah kei ua, ka chau ngawihngawih ua. Hichi a zaw awmzo nawn mahmahlo ding ka hi uh” chih hawng hilh uhi. Bang ziak pentak hiam chih ka dawt leh “ A ann uh uih hut hut ahi” chi uhi. ‘Dangpuithu’ a mehteng uleh, malta gawi teng a asawh gigete uh, atheilo te a ding in, a siantho loh utawh mekmat khawmin “ uih lua uh” chihtheih ding mah hi. “ Meh nelo in buh vuak na ne unla, election zawhtan bek daih hamham tum ni, sawtnawn ken teh” chiin kamsiam theih tawp in kana nem hi.
Ngaaklahtaka kana ngaak uh, election ni hawng tungpetmah a. Solkal in election zing dak 7.00 apat ding achih ziak un, electionna mun ding zing dak 6:00 sang a baihzaw deuh atun ngai hi. Polling Station a hih ding neuhneuhte ka zawhtak un, vote khiak hun zing dak 7:00 hawng gingta a. Lamdang takin kuamah vote khe ding hawng kilanglo uhi. “Bang ziak hiam” chi a ka dawt leh, Polling Booth kawngkhak a police khat uniform tawh ding lau a vote khe dia hawng kuan ngamlo ana hi ua. Ka Polling Officer No.3 - Tuikukte laka Primary School a nasemsa khat awm a, huai in “ vote nawng khiak ding uh, nawng khiak kei ngei ngei uleh... chi a na tang-au sak kei leh hawng khelo ding uh ahi” chiin hawn thuhilh hi.
Peoples’ Representative Act dan siksan a Returning officer in Presiding Officer ding a hawnseh ka hih chiangin, ‘ Bharat Sarkar’ thuneihna, thil hihtheihna, India sepaih tengteng leh a galvan bukim utawh ka nunga ding khepkhup bang in ka ngaihtuah a, huai power zangin Hausapa ( Village Council President) kasam hi! “ Na khua a vote nei tengin vote akhiak uh na mawh ahi a, huai dingin va tang-au inla, denzek chiang a ka Sana en nawn ding ka hi, ka Sana ka et nawn ma ngeingei a na khua-leh-tuite vote khe ding hiai inn mai a hawng kizawp ding uh ahi” chih, mi thunei mahmah te gendan hi ding a ka gintak danin ka gen gamgam a!
Vote khiak kipan a. Zing ann kine manlo ahih chiangin gil hawngkial a. “Singpi limtak hawn bawl un” ka chih leh, anung sawtlo in ‘singpi limtak’ dia a bawl uh hawngpia uhi. Mi tuamtuamte i muh, izak leh i lungsim ngaihtuahnate a mihing atuam dung zui in tuam a. Huchi mah bangin, ‘Singpi lim tak’ kichi leng a mihing atuam dung zui in tuam hi. Hiai ka dawhkan a ‘singpi limtak’ ah chini tam kisawh lua a, ahihziakin, vangphat huaitakin chini tui a dat meimawi bel hi hiallo hi.
Electoral Roll a min tuangte lakah; asisa, khual zin- gamgiak leh a pemkhesate vote khe ding a phutluih tumlo mawngmawng ka hih chiangin, sun nung dak khat velin ‘vote khe dia kilawm teng’ in khe khin uh a. Ballot Box nitaklam dak 4:00 akhak ding chih Dan awm ahihchiang in, 4:00 in bawm ka khak uhi. “Ballot Box na vote khiakte uh awmna na khua ua giahpih ding ka hihchiangin, party tuamtuam ai-awhte ka giahna a na hawng giah sam ding uh ahi” ka chih chiangin “ Nangna awm nakleh, bitpen in teh ko giah ngai kei” chi ua kuamah chial zoh kanei kei hi. Hawn gintakna uh kipahhuai bang mahleh Dan bel zui khalo hi.Huai zanin, ka Polling Officer teng leh police khat ka tawnpihpa uh tawh inn awng khatah Ballot Box ka giahpih uhi.Zing ka thawhin ka giahna inn kawng uah Tuikuk papi khat ihmu ka mua, ahihziakin election tawh kisai a huailai a hawng ihmu bel hihtuaklo hi.
1990 apan 2000 kum kikalin huihsia khat nunga, anam tamzaw leh hatzawten a tawmzaw leh hatlo zawte atenna ua pan hawlkhiak a, a inn leh lo uh suksiat leh halsiatsak hii leng hi. Hiai hii hoihlo in nam mawl , namtawm leh hehpih huai mahmah Tuikuk bangte a ngapthoha, aneek gaih leh agu akhah utna mahmahte hi. Tuni in, ka zintunnate kawi refugee camp ah a awmlai ding uam maw? Ahihkei leh kawilai hiam ah abul panthak in, akim leh kiang ua tengte leh damsung in asinsak zillai apan zilkhiak khat anei ding uam maw? Atapa uh, phalbi 18vei vuaktang a thuakin a damkhawsuak mah diam aw?
Tuikuk khua a khat vei election duty a kahawh hangin, Tuikukte theichian a, bangin Tuikukte sosang sak a, bang chikchiang a Tuikukten lungkim taka ‘suai leih, suai leih’ chi uh hiam, chih thei bel ka thei kei hi. Atawp atawp in Upa Pa kiangah “ Pa Buang aw, Tuikuk Pathian siam zawhloh bang chihna hi hiam hawn hilh dih ve” chi’n ka dawng hi.
Pu Buangin “Tuikukte - Mizo leh Bengali tehtuah kalah teng uha. Bengali te ichih chiangin khawsakna, thu leh la, politics khanlawhna ichihte a sisan utawh luang khawm chile hang kam uang lua kihilo ding hi. Tuikukte leh Bengali te kal lei leh van bang ahihchiangin, Tuikukte adingin Bengali te ettawn phak zawng hilo ding hi”.
“Tuikukte Mizote tawh gamkhat ah teng khawm uh a, a khangtangthu uh zawng Mizo khangtangthu sangin naupang zaw tuanlo ding hi. Mizote Mangkangte etkawlna nuai a bangtan hiam ana awm ziak un Christian hi ua, lai nana zil ua, a khawtang hinkhua uh ki organize in leh changkang zaw hi. Huanah, Mangkangte, khawvel a kuamah nuai a kun ngeilo te etkawlna nuai a ana awmkhak ziak un Mizoten Mangkangte longal tung et lawmlawmlo uhi. Nam hinkhua ah huchi bang lungsim pai danin thilhoihlo a piansak hun awm mahleh, nam bang a kideih khawpna neite mah in masawn ua, gam zawng piak in awm uhi”.
Ahihziakin, Bengalite politics khanlawhna leh Mizote khawtang hinkhua changkannate, niteng hunteng a amuhte uh Tuikukten amau adingin koihlo ua, masawn leh khantoh tupna lungsimpu lo uhi. Mimal leh nam banga tup leh ngim neilote Siamtu in zawng vualzawl theilo a, “ngen un piakin na awm ding uh” chipa’n a ngenlo leh deihlo nana pelo a, pe lehzawng ‘vawkpi ma a suang mantam piak’ mah bang lel ding hi. Tuikukten ‘Tang/Tangkawng’ ( Thankik lian chikhat) sa duh mahmah ua, anam duhthusam uh ‘Tang’ mat a asa gilvah taka neek hi mai hi. A ki elna uh gamlak avakna a ‘Tang’ lian mupen hih khawng himai hi” chi hi.
A khawsakna uh ka muhdan apanin Pu Buang gen dik mahmah dingin gingta ing. . Tua election ka duty lai in leng candidate khen khatten numeiten siam a agat ding uh, Khaukawn khawng hawng hawm ua, a panpihlam uh Khaukawn a kaih kawi in a awmuhi.
“India Union in aphalna sunga hamphatna, masawnna leh nam leh gam bawlna, ki-etkawl tuamna te phawk banlo minam khenkhat awm ua. Huchibang minam leh mimal te, tup leh ngiim aneihloh luat ziak ua Pathian in zawng A bawl theihloh, A deihsak theihlohte ‘Tuikuk Pathian Siam Zawhloh’ kichi hi” chiin Pu Buang in hawn hilh hi.
Pa Buang in agen zel na ah “Khawvelah nam dangte masawnna , changkanna, hauhsakna, minthannate leh a minam uh van sinnuai a – khawvel muh a dinmun neihsak delh in kitai teh mahle uh, Tuikukpa lungkimna zaw, mi daikilkal a ‘Tang’ sa nek phiauphiau himai hi. Election chiangin Candidate khenkhatten “ Non tel ching uhleh, Tang matna khawl ka hon pe ding” chih khawng in khem ua, khemzo zel uhi. India Constitution in tantuan manpha mahmah apiak- vote khiak theihna - deihtel theihna leh gam sung vaihawmna, governance a telkhakna ‘Tangkawng matna khawl leh Khaukawn’ khawngin zuak uhi. Vote khiak theihna amanphat dan theihlo a, Esau bang a ann khatvei neek a mahni tantuan zuak in man pumpi tungah hamsia tun a, khangthak hawng awm zel dingte maban bingsak hi. Election chianga Vote zuak leh nam mawlna, masawnlohna leh tuantualna ki laigui zawp hi”, chi hi.
Tuni in, Tuikukte lamlian laiah pai ngamlo in lam nawlnawl ah pai uh a. Midang thawm azak chiang un, lamsak lam hiam, lamkhang lam hiam nga in innkuan kuan in ding uhi. Tuni a na thilhih hiam, na hihlohte ziak hiam in na tu leh tate tunung chiangin Tuikukte dinmun ah ding thei uhi. Khang sawnte nang bangna nawtsiat dia le?
Tuikukte gamnuai ah teng uh a. Gamnuai a singkhuah mei achih ding tam mahmah napi in, singkhuah mei in chihlo uh a, mau keu khat khawng chauh mei a chihin ann huan uhi. January kha - Phalbi khawvawt lai ahihziakin khua vawt mahmah a,meilum awi ut huai mahmah hi. Ahihziakin, meilum awi ding awmlo hi. Ka zintunnaten tapa ngeekchik nei ua, khawvawt nuai ah, avuaktangin pawm zaw mah uhi. Anau uh khawvawt thuak zawngsang baih mahmah dingin um ing. A khawsak dan uh niam mahmah ahihchiangin mihing leh ganhing kikal a awm bang deuh hi uhi.
Ka zintunna pa khawsung a Village council secretary hi a. A tapa ngeekchik leh amau nupa kia inn khatah teng uhi. A lupna uh kidawh sang thei mahmah a, lup ding chiang in kah toh ngai hi. A nupa lupna uh tawh kizawmin lupna khat awm a, huai ah hawn ngiak sak ua. Ka giah masak zanin innteekpa zankhua in hawngpailo in mang mawk hi. “ Mi khual hawmthawh na hih ziak ahi” chiin hawn hilh chian uhi. Ahihziakin, zan dangin bel innteekpa mahmah ngaihnat huai ahihchiangin a pawt mang ka phal nawn kei hi.
Nitaklam khat, ka tunna Nu’n ann huan ngeilo a, zan dak 6/7 bang hita a, gilkial bang leng hun simta ahih chiangin, kawisan hiam a ann ki huan ahih ka gingta a. Kawngkhak a ann huan minsa hawndawmlut hun ding uh kana tang simsim hi. Huchihlai in a inn sakpa un “ Na tunna ten meh ding aneihloh ziak ua ann huanlo uh ahi” chih hawn hilh siausiau hi. Mawl mahmah leh khaw neuchik hinapi in hiai khua ah Dal leh Ngaho zuak bang nana awm ua, meh ding ka lei a, vahtakin ann ka ne uhi.
Solkalin Polling Party te ahun a Polling Station atun zawhloh khak ding uh lau mahmah ahih ching un, ka duty na mun ding chiat uah hawnsawl khe baih ua, lampi a Gari kisia hiam ahihkeileh, lamlian kisia hiam a buaina tuaklote, election ma ni thum bangin duty na mun ding khua kitung hi.
Tuikukte thil tenga aniam ban uah, mimal sianthona leh innsung kep siangthona ah niam khawl diak uhi. Huchih naklaiin a ‘thu/um’ chikhat ‘Dangpuithu’ kichi hahneek mahmah uhi. Ni khat ka Polling Officer nihte’n hawng mu ua, “ Hiai khua itun nung ann ka nezo mahmah kei ua, ka chau ngawihngawih ua. Hichi a zaw awmzo nawn mahmahlo ding ka hi uh” chih hawng hilh uhi. Bang ziak pentak hiam chih ka dawt leh “ A ann uh uih hut hut ahi” chi uhi. ‘Dangpuithu’ a mehteng uleh, malta gawi teng a asawh gigete uh, atheilo te a ding in, a siantho loh utawh mekmat khawmin “ uih lua uh” chihtheih ding mah hi. “ Meh nelo in buh vuak na ne unla, election zawhtan bek daih hamham tum ni, sawtnawn ken teh” chiin kamsiam theih tawp in kana nem hi.
Ngaaklahtaka kana ngaak uh, election ni hawng tungpetmah a. Solkal in election zing dak 7.00 apat ding achih ziak un, electionna mun ding zing dak 6:00 sang a baihzaw deuh atun ngai hi. Polling Station a hih ding neuhneuhte ka zawhtak un, vote khiak hun zing dak 7:00 hawng gingta a. Lamdang takin kuamah vote khe ding hawng kilanglo uhi. “Bang ziak hiam” chi a ka dawt leh, Polling Booth kawngkhak a police khat uniform tawh ding lau a vote khe dia hawng kuan ngamlo ana hi ua. Ka Polling Officer No.3 - Tuikukte laka Primary School a nasemsa khat awm a, huai in “ vote nawng khiak ding uh, nawng khiak kei ngei ngei uleh... chi a na tang-au sak kei leh hawng khelo ding uh ahi” chiin hawn thuhilh hi.
Peoples’ Representative Act dan siksan a Returning officer in Presiding Officer ding a hawnseh ka hih chiangin, ‘ Bharat Sarkar’ thuneihna, thil hihtheihna, India sepaih tengteng leh a galvan bukim utawh ka nunga ding khepkhup bang in ka ngaihtuah a, huai power zangin Hausapa ( Village Council President) kasam hi! “ Na khua a vote nei tengin vote akhiak uh na mawh ahi a, huai dingin va tang-au inla, denzek chiang a ka Sana en nawn ding ka hi, ka Sana ka et nawn ma ngeingei a na khua-leh-tuite vote khe ding hiai inn mai a hawng kizawp ding uh ahi” chih, mi thunei mahmah te gendan hi ding a ka gintak danin ka gen gamgam a!
Vote khiak kipan a. Zing ann kine manlo ahih chiangin gil hawngkial a. “Singpi limtak hawn bawl un” ka chih leh, anung sawtlo in ‘singpi limtak’ dia a bawl uh hawngpia uhi. Mi tuamtuamte i muh, izak leh i lungsim ngaihtuahnate a mihing atuam dung zui in tuam a. Huchi mah bangin, ‘Singpi lim tak’ kichi leng a mihing atuam dung zui in tuam hi. Hiai ka dawhkan a ‘singpi limtak’ ah chini tam kisawh lua a, ahihziakin, vangphat huaitakin chini tui a dat meimawi bel hi hiallo hi.
Electoral Roll a min tuangte lakah; asisa, khual zin- gamgiak leh a pemkhesate vote khe ding a phutluih tumlo mawngmawng ka hih chiangin, sun nung dak khat velin ‘vote khe dia kilawm teng’ in khe khin uh a. Ballot Box nitaklam dak 4:00 akhak ding chih Dan awm ahihchiang in, 4:00 in bawm ka khak uhi. “Ballot Box na vote khiakte uh awmna na khua ua giahpih ding ka hihchiangin, party tuamtuam ai-awhte ka giahna a na hawng giah sam ding uh ahi” ka chih chiangin “ Nangna awm nakleh, bitpen in teh ko giah ngai kei” chi ua kuamah chial zoh kanei kei hi. Hawn gintakna uh kipahhuai bang mahleh Dan bel zui khalo hi.Huai zanin, ka Polling Officer teng leh police khat ka tawnpihpa uh tawh inn awng khatah Ballot Box ka giahpih uhi.Zing ka thawhin ka giahna inn kawng uah Tuikuk papi khat ihmu ka mua, ahihziakin election tawh kisai a huailai a hawng ihmu bel hihtuaklo hi.
1990 apan 2000 kum kikalin huihsia khat nunga, anam tamzaw leh hatzawten a tawmzaw leh hatlo zawte atenna ua pan hawlkhiak a, a inn leh lo uh suksiat leh halsiatsak hii leng hi. Hiai hii hoihlo in nam mawl , namtawm leh hehpih huai mahmah Tuikuk bangte a ngapthoha, aneek gaih leh agu akhah utna mahmahte hi. Tuni in, ka zintunnate kawi refugee camp ah a awmlai ding uam maw? Ahihkei leh kawilai hiam ah abul panthak in, akim leh kiang ua tengte leh damsung in asinsak zillai apan zilkhiak khat anei ding uam maw? Atapa uh, phalbi 18vei vuaktang a thuakin a damkhawsuak mah diam aw?
Tuikuk khua a khat vei election duty a kahawh hangin, Tuikukte theichian a, bangin Tuikukte sosang sak a, bang chikchiang a Tuikukten lungkim taka ‘suai leih, suai leih’ chi uh hiam, chih thei bel ka thei kei hi. Atawp atawp in Upa Pa kiangah “ Pa Buang aw, Tuikuk Pathian siam zawhloh bang chihna hi hiam hawn hilh dih ve” chi’n ka dawng hi.
Pu Buangin “Tuikukte - Mizo leh Bengali tehtuah kalah teng uha. Bengali te ichih chiangin khawsakna, thu leh la, politics khanlawhna ichihte a sisan utawh luang khawm chile hang kam uang lua kihilo ding hi. Tuikukte leh Bengali te kal lei leh van bang ahihchiangin, Tuikukte adingin Bengali te ettawn phak zawng hilo ding hi”.
“Tuikukte Mizote tawh gamkhat ah teng khawm uh a, a khangtangthu uh zawng Mizo khangtangthu sangin naupang zaw tuanlo ding hi. Mizote Mangkangte etkawlna nuai a bangtan hiam ana awm ziak un Christian hi ua, lai nana zil ua, a khawtang hinkhua uh ki organize in leh changkang zaw hi. Huanah, Mangkangte, khawvel a kuamah nuai a kun ngeilo te etkawlna nuai a ana awmkhak ziak un Mizoten Mangkangte longal tung et lawmlawmlo uhi. Nam hinkhua ah huchi bang lungsim pai danin thilhoihlo a piansak hun awm mahleh, nam bang a kideih khawpna neite mah in masawn ua, gam zawng piak in awm uhi”.
Ahihziakin, Bengalite politics khanlawhna leh Mizote khawtang hinkhua changkannate, niteng hunteng a amuhte uh Tuikukten amau adingin koihlo ua, masawn leh khantoh tupna lungsimpu lo uhi. Mimal leh nam banga tup leh ngim neilote Siamtu in zawng vualzawl theilo a, “ngen un piakin na awm ding uh” chipa’n a ngenlo leh deihlo nana pelo a, pe lehzawng ‘vawkpi ma a suang mantam piak’ mah bang lel ding hi. Tuikukten ‘Tang/Tangkawng’ ( Thankik lian chikhat) sa duh mahmah ua, anam duhthusam uh ‘Tang’ mat a asa gilvah taka neek hi mai hi. A ki elna uh gamlak avakna a ‘Tang’ lian mupen hih khawng himai hi” chi hi.
A khawsakna uh ka muhdan apanin Pu Buang gen dik mahmah dingin gingta ing. . Tua election ka duty lai in leng candidate khen khatten numeiten siam a agat ding uh, Khaukawn khawng hawng hawm ua, a panpihlam uh Khaukawn a kaih kawi in a awmuhi.
“India Union in aphalna sunga hamphatna, masawnna leh nam leh gam bawlna, ki-etkawl tuamna te phawk banlo minam khenkhat awm ua. Huchibang minam leh mimal te, tup leh ngiim aneihloh luat ziak ua Pathian in zawng A bawl theihloh, A deihsak theihlohte ‘Tuikuk Pathian Siam Zawhloh’ kichi hi” chiin Pu Buang in hawn hilh hi.
Pa Buang in agen zel na ah “Khawvelah nam dangte masawnna , changkanna, hauhsakna, minthannate leh a minam uh van sinnuai a – khawvel muh a dinmun neihsak delh in kitai teh mahle uh, Tuikukpa lungkimna zaw, mi daikilkal a ‘Tang’ sa nek phiauphiau himai hi. Election chiangin Candidate khenkhatten “ Non tel ching uhleh, Tang matna khawl ka hon pe ding” chih khawng in khem ua, khemzo zel uhi. India Constitution in tantuan manpha mahmah apiak- vote khiak theihna - deihtel theihna leh gam sung vaihawmna, governance a telkhakna ‘Tangkawng matna khawl leh Khaukawn’ khawngin zuak uhi. Vote khiak theihna amanphat dan theihlo a, Esau bang a ann khatvei neek a mahni tantuan zuak in man pumpi tungah hamsia tun a, khangthak hawng awm zel dingte maban bingsak hi. Election chianga Vote zuak leh nam mawlna, masawnlohna leh tuantualna ki laigui zawp hi”, chi hi.
Tuni in, Tuikukte lamlian laiah pai ngamlo in lam nawlnawl ah pai uh a. Midang thawm azak chiang un, lamsak lam hiam, lamkhang lam hiam nga in innkuan kuan in ding uhi. Tuni a na thilhih hiam, na hihlohte ziak hiam in na tu leh tate tunung chiangin Tuikukte dinmun ah ding thei uhi. Khang sawnte nang bangna nawtsiat dia le?
Tuesday, March 11, 2008
KA PU KHANNENG
Ka Pu Khanneng(ka Nu U) leh alawi nu, ka Pi Ngai, Lungchin / Empai khua, Churanchandpur District, Manipur ateng te date 09-12-2007 ni in atapa uh ka Pu Thangzalam leh te innkuan, Vasant Vihar, New Delhi a awmte veh ding in Lentheihna in Imphal apan Delhi tan leng uh a. Huai a ka Pu’n Lenna sunga a laphuah,
Vaimang siamsil thangvan zawlah
Kawi tawh holung kum ing
Zatam vualgen Delhi vangkhua
Vawnsiang zawt nuam kasa, chi hi.
Ka Pu Lamte leh a lawi nu ka Pi Mawii in anu leh pate uh date 11-12-2007 niin Delhi ah khawlai vak pih ua. Huaiah, Indira Gandhi Memorial Building ah va hawh pih uhi. Huai Building sung a a awmlai a, ka Pu Khanneng laphuah,
Theihloh kumpi na nua chiangah
Sausak lam bang vel ing
Zatam tatna zing vai na hawm
Laukha’n na lung zuang hiam.
January 18, 2008 velin ka Pu Lamte inn ah kava hawhleh Ka Pu Nengte kava mu hi. Kum hiai zahta ka Pu Khanneng tawh ka kimuhloh nung ua kimu ka hihchiang un gen ding bang vang zezen hi. Ka Pu kiangah ka neulai ua a inn katau khawng ua ka lasak sek uh, a la avek ale ka theih nawnloh khanglui la khat ka dawng a. Hiai anuai abang hi:
Ka Pa Tapa chi ngam lang e
Phunglai ho nuam ngai ing e
Gamlai tulta anah tual kia
A bul a sawlbang a bang, chih hi.
Ka Pu kianga hiai la bang chihna hiam chih ka dawt leh hi bang in gen hi:
Hiai laphuaktu Pu Pum Kho Mang Guite, Haichin hausa pa hia. Tuni tanin damlai a, Chikha , Burma ah khawsa hi chi hi. Haichin khua ahihleh Burma gam sung a awm India leh Burma gamgi zul a awm khua khat hi.
Hiai la hawngpianna ahihleh Pu Pum Kho Mang leh akhuate uh mikhat tawh kina uhi. Tua aki nak pih pa’n dawmlo in chizialzial hi mai thei hi. Himahleh, Pu Mang in, ‘Ka pa tapa chi ngam lang e / Phunglai ho nuam ngai ing e” chi ahih leh - ‘Ka pa tapa chi a ki sial a kinak kisel ngamlo / ut lo ka hi, huai sangin beh leh phung, u lah nau ki tuak diamdiam a awm ut zaw ing a, kihotheih mahmah ngai a- khelah ka hi’ a chihna hi chi hi.
Huanah, “Gamlai tulta anah tual kia zawng / A bul a sawl bang a bang” chihpen ahihleh “Gam lakah sing hawngpo in hawng khangto a. Hawng khangto zelin hawng sang hiai hiai a, akipatna abul suk-et hi. Himahleh, chikni chiang hiam in a nah leh a hiangte hawng kiak hun awm a, ahawng kiak chiang in aki patna bul mah ah ki bangin, a hawng kipatna mun mah ah kik nawn hi’ chihna hi chi hi.
Mau leh guate khangto in sang hiai hiai ua. Himahleh, ahawngsaan laklawh chiang un, anuai lamah hawng kui nawn uhi. Huchimah bangin, mihingte leng Pathian leh Siamtu / the unseen hand panpihna in khangto zel mah le hang chikni chiang hiam a, mihing a piang peuh mah in I pumpelh theihloh ding ‘lei tung a mahni hun tawp’ itunni a I luangkiang a hawntutpih a, it a hawnkah dingte I u leh nau leh I lawmte mah hi.
Friday, March 7, 2008
JIRIBAM, THANLON LEH TIPAIMUKH BIAL ADC KHAT NUAI AH
Imphal, Jul 26,2006: The meeting of the State Cabinet held today with Chief Minister O Ibobi Singh in chair discussed upgradation of Jiribam Sub-Division of Imphal East District into a full-fledged revenue district and combining Thanlon and Tipaimukh sub-divisions to the status of ADC with headquarters at Pherjol The meeting also took note of discussing the matter in detail with the permission of the Election Commission as the Delimitation process is still underway.Source- epao.net
Hiai cabinet thupukna in thunih tunin kilanga. Khatna ah, Jiribam Sub-Div Revenue District a koihtoh leh anihna ah, Thanlon leh Tipaimukh Sub-Div nihte ADC khat nuai a awm dia gawmkhawm a, a khopi dia Pherjol zat ding chih hileh kilom in kilang hi. Ahihziakin, thilthuktak a thei kichi khenkhatten a tuptaktak uh Jiribam, Thanlon leh Tipaimukh Sub-Div thumte gomkhom a Revenue District khat bolkhiak ahi, chi uhi.Jiribam, Thanlon leh Tipaimukh Sub-Div te bang ziaka Manipur Govt in ADC khat nuai a koih ding a Cabinet decision bol hiam? Hiai decision in a tup leh ngiim diktak bang hiam? Hiai Sub-Div thumte ADC khat nuai ah om taleh bang a hong gangsuah dia? Zomite bang chi zawngin hon effect dia?A tup leh ngiim –‘aims and objective’ bang hi ding hiam? Jiribam, Tipaimukh leh Thanlon bial hi a geography in kizawm vek a, a mun leh mual ahihnatak theilou a Map a ente adingin administrative area khat sung akoih thil kilom tak bangin lang hi. Pherjol leh Jiribam kalah straightline khat git le hang kinai chik hi.
Ahihziakin, hiai khua nihte kal ah Lamlian leh Electronic communication, Telephone etc omlou hi. Pherjol apan Jiribam or vice versus a pai dingin lampi nih om a. Khatna ah, Jiribam-Imphal-Lamka-Thanlon-Pherjol ah U-Shape apai in Jiribam panin Pherjol tun theih hamham hi. Nihna ah, Pherjol-Aizawl-Silchar-Lakhimpur-Jiribam apai in, Pherjol pan Jiribam, Indian State nih-Mizoram leh South Assam kantanin pai theih hi. ADC khat sung kikom tuah na’ng in haksa law deuh hi.Huaiziakin, a bial sunga kikomtuahna Lamlian hiam tulai kithuzaknate ngaipoimoh silou a- Thanlon, Tipaimukh leh Jiribam Sub-Div thumte ADC khat nuai a Manipur solkal in koih atup un thiltup tuam-administrative convenience leh development chihte hilou nei ngei dingin thilsut siamten ngai uhi.Thiltup hithei dingte I theihtheih na’ngin hiai anuai a bang in hiai Sub-Div thumte etchetna neite le hang. Indian General Census 2001 dungzui in, Tipaimukh Sub-Div sungah 1991 apan 2001, kumsawm sungin population 5% velin pung hi. Hiai kumsawm sungin India pumpi average population growth 18 % vel hia, State khenkhat ah 25 % in pung hi.
Huaiziakin, Tipaimukh bial hi population punthu ah India a aniampenpen na munte lak akhat hi. Tipaimukh bial mite, 2006 kum sungin Meitei helte toh kimuhsiam(non)louh ziakin a 1000 a sim Mizoram ah tailut uhi. A tamzawte kik nonlou dingin um ing.Tipaimukh bial a Vangaitang a Chingmun khua enta le hang- kum 40 val paita in Inn 50 khua hia, ngeina dan a thilpai hileh Inn 100 val khua hita ding hi.Tuni in Chingmun khua ah Inn 18 vel om a, tangval leh nungak om nonlou in upa lam leh a chimohzualteng kia in luah uhi. A omlaiten leng zingthoh tengin pem ding leh pemlouh ding saikak uhi. Meitei helte khut thuak leh Meiteite bomb thangkam ziakin in hiai khua leh akim akiang a khuate loih in om hi. Thanlon bial a Dialkhai khua, 2005 May/June velin taizak uh a, Dialkhai EBC School –a mihing leh a School pumpi in Khawkawn, Mizoram ah function hi. Thanlon Sub-Div apan Lamka khuapi a pemleh Mizoram apemkhia kitatsatlou hi.
Huaiziakin, Tipaimukh bial leh Thanlon bial ah electorial roll a voter om tampite pem mang khinta ua, a khua leh tui uh luahlouh leh kep louh in om hi.Jiribam en-non leuleu le hang. Jiribam Sub-Div Meitei helten a awpna uh kumsawm val hita a, Jiribam leh asehvel hi Manipur solkal in Meitei helte sanctuary, a bitna kulhpi ding ua a chei hia, hiai bial sungah Meitei helte bit ua, khang dawngin, pun zawng pung uhi.Jiribam bial a Tuiluang tumlam piautak (west bank of Barak) ah Leilet mun hoih leh lian taktak om a; kacha Bengali, Cachari leh Paite ten hiai munte luah in nei deuh pen uhi. Kacha Bengali(Tuidung Vai) leh Cacharite nam cheknok ahih dungzui un kuamah namlian leh thilhihthei anau gumtu ding leh a thavang uh hauhtu ding omlou uhi. Paite te adinginVa-ngaitang tuikulhgam(Island) bang hi a, mainland apan gamla a, logistic problem ziakin protection pezoulou uhi.
Huaiziakin, Jiribam bial ah Meiteiten( leh nidang a apankhompihte) hiai nam neute, khenkhatte hol khia in, ahihkei leh a Huan leh Leilet te uh tomchikchik a a zuak khiak na’ng uh bouruak bolin – hiai munhoihtakte tang/neita uhi. Imphal phaijang apan in Meitei Inn leh Lou neilou a, khosak haksa deuhte hon pawkhia in hiai Barak valley, Tuiluangdung mun hoihtaktakte Meitei helten achi-leh sate uh khutah peta uhi. Khovel khangthu ah enta le hang. Kum 60 val paita in Germanten “Lebensraum” Sap pauin “ Living space” chih ngaih dan hon pokhia ua. German gam khangtou zel dingah German mipiten Inn leh Lou mun ding, Huan leh German industry in raw material tam zaw kiphamoh ding ahih chiangin Germante ‘living space’ ding kiphamoh ihi chiin German suahlam gama tengte( inferior race a angaihte uh)- Russia leh Slavic te holkhiak a, akuulleh thah a, agam uh Superior race Germante ading a neih ding chih policy hon bol uhi (cfc Hitler’s book Mein Kampf). Jiribam Sub-Div sungah haksatluatna omlou in “Meitei Lebensraum” loh chingtakin paitou zelin, a gahkhum tak zawng neta uhi.
Lohchinna in duh-amna piangak zel in, Tipaimukh bial leh Thanlon bial –gam ong, a luahtu omsunte leng ‘manage’ haksa lomlomlou dingte a gal-et chiang un Meitei policy makerte chilphul sak hi. Huanah, Jiribam experiment - Tipaimukh leh Thanlon biala lohchingtak a asutzop theih uleh “Meitei Living Space” problem chauh solve louin, hiai Sub-Div nihten ventilation leh “ Meitei breathing space” zawng pe ding hi. Manipur lifeline NH-39(Dimapur road) leh NH-53(Jiribam road), tua Nagalim area sung a paite zawng hiai “Meitei Lebensraum” thak liklek Thanlon leh Tipaimukh bial sung apai in ‘Suangkhat a vasa/sava nih denkhiak’ theih kigingta uhi.
Tipaimukh leh Thanlon bialte tellouin Zomi politics in omzia neilou hi. Tipaimukh leh Thanlon Sub-Div te ‘goth leh magoth’te khutah omta leh Zomite geo-politics leh strategic policy suse dimsem ding hi. Gamgi in mihing ngaihtuahna sulamdang thei a, unity leh kingaihnatna zawng sudau thei hi. Huaiziakin, hiai Manipur cabinet decision- Thanlon, Tipaimukh leh Jiribam Sub-Div thumte ADC khat nuai a koih tupna in development leh good governance lam koklou a, agam neitute Pi le Pu apan a luahtute holkhiak a, thah a, hiai Zogam hoihtak “Meitei Lebensraum” ding a boltupna ahi, chih kichian mahmah hi. Hiai Manipur cabinet decision nolkhinlou a, paisuakpih ahihin tuh Zomite/Sinlungsuak te tung a galbolna hi ding hi.
By-kikim pa (Date August, 2006).
-X-
PS:-
Lebensraum is the German term for "habitat"; used both in ecological and sociological contexts, its literal meaning is "living room." When used in English, it refers to a motivation of the National Socialist (or Nazi) government of Germany and its expansionist policies, which aimed to provide extra space for the growth of the German population. In Hitler's book Mein Kampf, he made clear his belief that the German people needed Lebensraum ("living space", i.e. land and raw materials), and that it should be found in the East. It was the stated policy of the Nazis to kill, deport, or enslave the Russian and other Slavic populations, whom they considered inferior, and to repopulate the land with Germanic peoples. The entire urban population was to be exterminated by starvation, thus creating an agricultural surplus to feed Germany and allowing their replacement by a German upper class.Hitler on LebensraumIn an era when the earth is gradually being divided up among states, some of which embrace almost entire continents, we cannot speak of a world power in connection with a formation whose political mother country is limited to the absurd area of five hundred thousand square kilometers. ---
Adolf Hitler, Mein Kampf; Boston: Houghton Mifflin, 1971, page 644.Without consideration of traditions and prejudices, Germany must find the courage to gather our people and their strength for an advance along the road that will lead this people from its present restricted living space to new land and soil, and hence also free it from the danger of vanishing from the earth or of serving others as a slave nation. --- Adolf Hitler, Mein Kampf, page 646.For it is not in colonial acquisitions that we must see the solution of this problem, but exclusively in the acquisition of a territory for settlement, which will enhance the area of the mother country, and hence not only keep the new settlers in the most intimate community with the land of their origin, but secure for the total area those advantages which lie in its unified magnitude. --- Adolf Hitler, Mein Kampf, page 653."
Hiai cabinet thupukna in thunih tunin kilanga. Khatna ah, Jiribam Sub-Div Revenue District a koihtoh leh anihna ah, Thanlon leh Tipaimukh Sub-Div nihte ADC khat nuai a awm dia gawmkhawm a, a khopi dia Pherjol zat ding chih hileh kilom in kilang hi. Ahihziakin, thilthuktak a thei kichi khenkhatten a tuptaktak uh Jiribam, Thanlon leh Tipaimukh Sub-Div thumte gomkhom a Revenue District khat bolkhiak ahi, chi uhi.Jiribam, Thanlon leh Tipaimukh Sub-Div te bang ziaka Manipur Govt in ADC khat nuai a koih ding a Cabinet decision bol hiam? Hiai decision in a tup leh ngiim diktak bang hiam? Hiai Sub-Div thumte ADC khat nuai ah om taleh bang a hong gangsuah dia? Zomite bang chi zawngin hon effect dia?A tup leh ngiim –‘aims and objective’ bang hi ding hiam? Jiribam, Tipaimukh leh Thanlon bial hi a geography in kizawm vek a, a mun leh mual ahihnatak theilou a Map a ente adingin administrative area khat sung akoih thil kilom tak bangin lang hi. Pherjol leh Jiribam kalah straightline khat git le hang kinai chik hi.
Ahihziakin, hiai khua nihte kal ah Lamlian leh Electronic communication, Telephone etc omlou hi. Pherjol apan Jiribam or vice versus a pai dingin lampi nih om a. Khatna ah, Jiribam-Imphal-Lamka-Thanlon-Pherjol ah U-Shape apai in Jiribam panin Pherjol tun theih hamham hi. Nihna ah, Pherjol-Aizawl-Silchar-Lakhimpur-Jiribam apai in, Pherjol pan Jiribam, Indian State nih-Mizoram leh South Assam kantanin pai theih hi. ADC khat sung kikom tuah na’ng in haksa law deuh hi.Huaiziakin, a bial sunga kikomtuahna Lamlian hiam tulai kithuzaknate ngaipoimoh silou a- Thanlon, Tipaimukh leh Jiribam Sub-Div thumte ADC khat nuai a Manipur solkal in koih atup un thiltup tuam-administrative convenience leh development chihte hilou nei ngei dingin thilsut siamten ngai uhi.Thiltup hithei dingte I theihtheih na’ngin hiai anuai a bang in hiai Sub-Div thumte etchetna neite le hang. Indian General Census 2001 dungzui in, Tipaimukh Sub-Div sungah 1991 apan 2001, kumsawm sungin population 5% velin pung hi. Hiai kumsawm sungin India pumpi average population growth 18 % vel hia, State khenkhat ah 25 % in pung hi.
Huaiziakin, Tipaimukh bial hi population punthu ah India a aniampenpen na munte lak akhat hi. Tipaimukh bial mite, 2006 kum sungin Meitei helte toh kimuhsiam(non)louh ziakin a 1000 a sim Mizoram ah tailut uhi. A tamzawte kik nonlou dingin um ing.Tipaimukh bial a Vangaitang a Chingmun khua enta le hang- kum 40 val paita in Inn 50 khua hia, ngeina dan a thilpai hileh Inn 100 val khua hita ding hi.Tuni in Chingmun khua ah Inn 18 vel om a, tangval leh nungak om nonlou in upa lam leh a chimohzualteng kia in luah uhi. A omlaiten leng zingthoh tengin pem ding leh pemlouh ding saikak uhi. Meitei helte khut thuak leh Meiteite bomb thangkam ziakin in hiai khua leh akim akiang a khuate loih in om hi. Thanlon bial a Dialkhai khua, 2005 May/June velin taizak uh a, Dialkhai EBC School –a mihing leh a School pumpi in Khawkawn, Mizoram ah function hi. Thanlon Sub-Div apan Lamka khuapi a pemleh Mizoram apemkhia kitatsatlou hi.
Huaiziakin, Tipaimukh bial leh Thanlon bial ah electorial roll a voter om tampite pem mang khinta ua, a khua leh tui uh luahlouh leh kep louh in om hi.Jiribam en-non leuleu le hang. Jiribam Sub-Div Meitei helten a awpna uh kumsawm val hita a, Jiribam leh asehvel hi Manipur solkal in Meitei helte sanctuary, a bitna kulhpi ding ua a chei hia, hiai bial sungah Meitei helte bit ua, khang dawngin, pun zawng pung uhi.Jiribam bial a Tuiluang tumlam piautak (west bank of Barak) ah Leilet mun hoih leh lian taktak om a; kacha Bengali, Cachari leh Paite ten hiai munte luah in nei deuh pen uhi. Kacha Bengali(Tuidung Vai) leh Cacharite nam cheknok ahih dungzui un kuamah namlian leh thilhihthei anau gumtu ding leh a thavang uh hauhtu ding omlou uhi. Paite te adinginVa-ngaitang tuikulhgam(Island) bang hi a, mainland apan gamla a, logistic problem ziakin protection pezoulou uhi.
Huaiziakin, Jiribam bial ah Meiteiten( leh nidang a apankhompihte) hiai nam neute, khenkhatte hol khia in, ahihkei leh a Huan leh Leilet te uh tomchikchik a a zuak khiak na’ng uh bouruak bolin – hiai munhoihtakte tang/neita uhi. Imphal phaijang apan in Meitei Inn leh Lou neilou a, khosak haksa deuhte hon pawkhia in hiai Barak valley, Tuiluangdung mun hoihtaktakte Meitei helten achi-leh sate uh khutah peta uhi. Khovel khangthu ah enta le hang. Kum 60 val paita in Germanten “Lebensraum” Sap pauin “ Living space” chih ngaih dan hon pokhia ua. German gam khangtou zel dingah German mipiten Inn leh Lou mun ding, Huan leh German industry in raw material tam zaw kiphamoh ding ahih chiangin Germante ‘living space’ ding kiphamoh ihi chiin German suahlam gama tengte( inferior race a angaihte uh)- Russia leh Slavic te holkhiak a, akuulleh thah a, agam uh Superior race Germante ading a neih ding chih policy hon bol uhi (cfc Hitler’s book Mein Kampf). Jiribam Sub-Div sungah haksatluatna omlou in “Meitei Lebensraum” loh chingtakin paitou zelin, a gahkhum tak zawng neta uhi.
Lohchinna in duh-amna piangak zel in, Tipaimukh bial leh Thanlon bial –gam ong, a luahtu omsunte leng ‘manage’ haksa lomlomlou dingte a gal-et chiang un Meitei policy makerte chilphul sak hi. Huanah, Jiribam experiment - Tipaimukh leh Thanlon biala lohchingtak a asutzop theih uleh “Meitei Living Space” problem chauh solve louin, hiai Sub-Div nihten ventilation leh “ Meitei breathing space” zawng pe ding hi. Manipur lifeline NH-39(Dimapur road) leh NH-53(Jiribam road), tua Nagalim area sung a paite zawng hiai “Meitei Lebensraum” thak liklek Thanlon leh Tipaimukh bial sung apai in ‘Suangkhat a vasa/sava nih denkhiak’ theih kigingta uhi.
Tipaimukh leh Thanlon bialte tellouin Zomi politics in omzia neilou hi. Tipaimukh leh Thanlon Sub-Div te ‘goth leh magoth’te khutah omta leh Zomite geo-politics leh strategic policy suse dimsem ding hi. Gamgi in mihing ngaihtuahna sulamdang thei a, unity leh kingaihnatna zawng sudau thei hi. Huaiziakin, hiai Manipur cabinet decision- Thanlon, Tipaimukh leh Jiribam Sub-Div thumte ADC khat nuai a koih tupna in development leh good governance lam koklou a, agam neitute Pi le Pu apan a luahtute holkhiak a, thah a, hiai Zogam hoihtak “Meitei Lebensraum” ding a boltupna ahi, chih kichian mahmah hi. Hiai Manipur cabinet decision nolkhinlou a, paisuakpih ahihin tuh Zomite/Sinlungsuak te tung a galbolna hi ding hi.
By-kikim pa (Date August, 2006).
-X-
PS:-
Lebensraum is the German term for "habitat"; used both in ecological and sociological contexts, its literal meaning is "living room." When used in English, it refers to a motivation of the National Socialist (or Nazi) government of Germany and its expansionist policies, which aimed to provide extra space for the growth of the German population. In Hitler's book Mein Kampf, he made clear his belief that the German people needed Lebensraum ("living space", i.e. land and raw materials), and that it should be found in the East. It was the stated policy of the Nazis to kill, deport, or enslave the Russian and other Slavic populations, whom they considered inferior, and to repopulate the land with Germanic peoples. The entire urban population was to be exterminated by starvation, thus creating an agricultural surplus to feed Germany and allowing their replacement by a German upper class.Hitler on LebensraumIn an era when the earth is gradually being divided up among states, some of which embrace almost entire continents, we cannot speak of a world power in connection with a formation whose political mother country is limited to the absurd area of five hundred thousand square kilometers. ---
Adolf Hitler, Mein Kampf; Boston: Houghton Mifflin, 1971, page 644.Without consideration of traditions and prejudices, Germany must find the courage to gather our people and their strength for an advance along the road that will lead this people from its present restricted living space to new land and soil, and hence also free it from the danger of vanishing from the earth or of serving others as a slave nation. --- Adolf Hitler, Mein Kampf, page 646.For it is not in colonial acquisitions that we must see the solution of this problem, but exclusively in the acquisition of a territory for settlement, which will enhance the area of the mother country, and hence not only keep the new settlers in the most intimate community with the land of their origin, but secure for the total area those advantages which lie in its unified magnitude. --- Adolf Hitler, Mein Kampf, page 653."
Subscribe to:
Posts (Atom)